Labour market dey change faster dan eva, and many of today jobs go soon disappear.

E get two main factors wey dey shake tins up, according to one recent study by di World Economic Forum: emergence of new technologies and automation; and movement towards green economy and sustainability.

Rapid advance in new technologies such as big data, cloud computing and artificial intelligence go bring seismic changers to di labour market.

Di good news be say di arrival of new technologies give impetus to di entire economy and, while destroying some jobs, creates many odas. Afta all, wen business fit achieve more wit fewer resources, e go naturally expand.

Researchers from di World Economic Forum tok say nearly quarter of all current professions go change in di next five years.

Therefore, in order to succeed for di increasingly competitive labour market, one go need to constantly learn new skills and polish abilities.

Technical literacy na one of di main skills to acquire so you go fit get competitive stance in di new labour market.

Dis no mean say make evri one go sabi programming languages or understand di intricacies of machine learning.

But in di future, believe be say na STEM jobs go become more in demand. STEM na umbrella term used to group togeda di distinct but related technical disciplines of science, technology, engineering, and mathematics.

So, if you dey wonder which subjects make your pikin focus on for school, here na your answer: mathematics, computer science, and natural sciences.

Next skill to look out for na analytical tinkin. To improve am one gatz polish cognitive abilities, in oda words, di mind, and di ability to notice patterns, connect facts, and draw conclusions wey no dey clouded by emotions or personal preferences.

To dey able to do dis, you need to train attentiveness and concentration, becos gadgets, social networks, online games and adverts constantly fight for our attention, and trigger di fear of missing out.

Analytical skills also include curiosity and continuous self-education, and to constantly improve and learn, you go need to dey able to focus on your goal.

Learning English to high standard na also veri valuable skill to acquire.

Also, creativity. In science, engineering, design or art, di golden promotion go dey awarded to di pesin wey fit manage to combine technical literacy wit creativity.

Communication and empathy go be two veri high value skills especially in di era of artificial intelligence.

No mata how rapidly machines dey develop, pipo go always need pipo, and live human attention, teamwork, di ability to listen, to tell story, support and sympathise go dey even more valued.

According to one report wey dem publish in 2020 on LinkedIn, one social network platform for professionals, communication don already become di most in-demand skill for today job market.

“Wit di increased use of AI and robotics in di workplace, growing remote workforce, and technology allowing us to connect wit pipo around di world, e dey even more important make we know how to actually talk and listen to each oda and establish connection,” Dan Negroni, one workplace talent and engagement expert tok.

E no dey surprising say information technologies and new technologies go dey among di most promising industries in di near future as well. Di development of artificial intelligence and machine learning go bring about appealing opportunities.

One of di promising future professions in dis field dey prompt engineer, specialist in communication wit models of artificial intelligence wey fit help to correctly formulate request and act as one kind of intermediary between artificial intelligence and di pipo.

Oda possible jobs related to AI include ethicists, dat na pesin wey specializes in ethics, security engineers, and developers of user-friendly interfaces for human-machine interaction.

In general, in di case of artificial intelligence, pipo of various professions dey advised to perceive am as partner and no be competitor, to understand how you fit cooperate wit am.

Anoda field of possibilities na analysis of big data, one big array of information, from online platforms like Netflix to di hadron collider or control systems.

Certainly no shortage of work for cyber security specialists either, simply becos more sensitive information go dey around.

Specialists in financial technologies, business analysts and developers of blockchain systems go also dey needed.

Demand for green jobs dey grow quickly across sectors and industries, according to World Economic Forum’s 2023 Future of Jobs Report.

“Globally, di green transition fit create 30 million jobs in clean energy, efficiency and low-emissions technologies by 2030,” di report tok.

For now, di leading kontris in new job opportunities for green energy and sustainable development na Western countries and Japan, and China wey dey gradually catch up.

Dis jobs fit dey related to business, science, politics or directly to di environment, within sectors wey dey work on di development of renewable energy or new energy sources and batteries, di preservation of endangered species, business consulting or, for example, legal practice and changes in environmental protection laws.

Also, dem go need excessive urban planners, architects, designers and developers for smart houses.

Di world population dey age, and life expectancy dey increase. Care and treatment go dey more needed.

So, health professionals go still dey very much in demand in di near future. Especially valuable go be di medical workers wey no just dey give patient not only medicine, but also moral support.

Doctors and health specialists go need to constantly learn and adapt to new methods of diagnosis and treatment as well. Artificial intelligence go also be of help.

Work go dey for psychotherapists and various mentors of personal development or instructors of spiritual practices too.

Manual labour professionals, such as mechanics, repairmen, electricians or builders, go still dey needed in di coming years.

Wia e dey necessary to perform small and precise task in different circumstances, human pesin go still dey irreplaceable. But to stay afloat and be in demand, dis specialists go also need to constantly improve dia technical knowledge and master new smart tools.

Demand for new professions in agriculture dey also expected to grow. Di population of di planet dey grow, and everyone need to eat. But, again, di demand go be more for skilful engineers rather dan farmers.

Many jobs go soon begin to disappear from di market. Dis na di types of work wey dey become increasingly easier to automate.

Here is na list of possible jobs to potentially disappear from labour market soon:

One more profession, wey dem futurists dey rarely mention, but wey undoubtedly go remain necessary in di future na storytellers.

Just e dey needed thousands of years ago, any creative work related to di transmission of human experience go still be of need.

Writers, poets, directors, actors, comedians, artists, and musicians go still dey needed even if artificial intelligence bring about new challenges in dis sectors.